Liderët europianë do ta gjejnë “shumë të vështirë” arritjen e një kompromisi në bisedimet mbi një politikë të re për pranimin e refugjatëve deri në muajin qershor, ka deklaruar Presidenti i BE-së, Donald Tusk.

Megjithatë, Tusk ka theksuar se kuotat për shpërndarjen e refugjatëve janë të diskutueshme, shkruan “AFP”, transmeton portali arbresh.info

“Kuotat e detyrueshme mbeten një çështje e diskutueshme edhe pse temperatura e saj është zvogëluar ndjeshëm”, tha Tusk në një konferencë për shtyp pas përundimit të samitit të BE-së për viti 2017.

“A do të jetë i mundur një kompromis? Kjo është e vështirë”, shtoi ai.

Gjatë dy orëve të debatit udhëheqësit e Hungarisë, Polonisë, Republikës Çeke dhe Sllovakisë qëndruan të palëkundura ndaj kuotave të refugjatëve, thanë pjesëmarrësit.

Shtetet e Europës Lindore kanë kundërshtuar vendimin e BE-së për shpërndrajen e refugjatëve gjatë vitit 2015, si një formë solidariteti me Greqinë dhe Italinë./arbresh.info/